Сем гадкоў, мой браце, маеш,
Сем гадкоў;
Хутка ў кніжцы прачытаеш
Сем радкоў.
У адным – што беларус ты,
Дзе жывеш,
Як з кавалкам чорнай лусты
Шнур арэш.
Трэйці – будзе мо' пра песьні
Гаварыць
I пра сонца, напрадвесьні
Што гарыць.
Пяты – скажа пра курганы
Казак шмат,
Чаго вецер стогне рана
Каля хат.
Сёмы – скажа, што так болей
Нельга жыць,
Як змагацца і як волю
Нам здабыць.
Прачытай жа, мілы браце,
Сем радкоў,
Павіднее ў курнай хаце
Мужыкоў.
1937
|
|
